最近轉天氣、皮膚容易過敏。但日日帶口罩、容易堵塞毛孔、都會想做下深層清潔。最近就遇到澳洲Claytox、成分天然嘅清潔面膜。Claytox共有4款面泥供唔同肌膚選擇，實有一款適合你。而我使用嘅係高嶺土、適合敏感肌膚。溫和清潔吸收雜質、而且可以舒緩皮膚！
⛰高嶺土-適合敏感肌膚
🌑活性炭- 適合油性肌膚
🍫地中海可可-適合中性肌膚
🌊氧化鋁矽酸鹽海泥-適合乾性肌膚
HKTVmall有售 @claytoxhk
https://www.hktvmall.com/s/S2140001
2021年8月29日星期日
2021年3月22日星期一
【大角咀。美食】用心、性價比高上海菜
我成日覺得自己前世係上海人，因爲特別鍾意食滬菜。貴至八寶鴨平至平民生煎包都鍾意食。當然日日都食高級料理點得？今次就去左大角咀新開既【慶記】，主打平民上海菜，而且有D突破新式fusion菜。Lunch叫主食仲有飲品附送添！
巴東牛肋條湯飯：巴東牛肋條非常軟嫩，一碗湯飯入面都有好多舊。不過D辣油浮左係湯面會有少少辣。湯飯夠味但又唔會太鹹，分量都好大。
香酥排骨拼滷肉撈麵：香酥排骨新鮮炸起，肉完全唔硬，而且肥瘦適中。滷肉撈麵，麵軟硬適中，滷汁甜甜鹹鹹，而且滷肉都算多。好鮮味！
生煎胡椒包：即叫即做，超新鮮熱辣！裏面超級爆汁，好濃胡椒味，微辣香口。超級推薦！每一臺都會叫一碟！
紅油百花抄手：百花抄手係以蝦同墨魚整既内餡。好香好多餡！唔食辣既朋友叫小辣都無咩負擔，而且難得唔係落醋，岩曬我唔鍾意食酸！
整體黎講性價比高，食物質素又高！
2021年2月25日星期四
【大角咀。美食】有情調、高級食材Livehouse餐廳 — Lost Stars Livehouse Bar & Eate
有時候想去D有情調，環境又好既餐廳，仲要用靚食材真係好少。之前去過【Lost Stars Livehouse Bar & Eatery】，環境又好、餐廳設計又有格調，不過對上係食午餐/下午茶，食物上唔係好食得出食材既特別，所以今次就趁晚市開返就去食！Lost Stars定期都會改下menu，出下新野。今期推出新招牌菜就係威寧頓牛柳，呢道菜超花功夫，而且難得有得食就叫。
威靈頓牛柳 配法式伯那西醬佐意大利鮮香芹及甜醋初榨橄欖油：酥皮包住原塊牛柳去焗，外面酥脆、裏面軟嫩啖啖肉。酥皮同牛柳中間塗左一層秘製醬汁，如果無食錯，應該係芥末、香草同鵝肝。非常香濃！就算唔配其他3款醬都好夠味！雖然睇上黎有D生，但完全唔會血淋淋禁，而且唔會硬！個人最推薦搭配意大利鮮香芹，裏面有蒜蓉同橄欖油，可以帶出肉既鮮味之餘唔會搶左D味！
Dinner Set
燒美國安格斯肉眼扒佐法式伯那西醬：安格斯肉眼扒超級嫩，雖然叫五成熟之後出黎係七成，但都唔會硬，好香牛味但唔騷！搭配既蔬菜一D都唔馬虎，有半條番薯、一大塊南瓜、一個茴香同一D豆，全部都好新鮮清甜！
配餐湯及飲品
蘑菇濃湯：好香濃，而且有蘑菇蓉~
黑松露薯條配黑松露巴馬臣芝士豆乳醬：薯條分量好多，熱辣辣好脆，黑松露既味道好濃好香，不過略嫌價錢有少少貴
瀑布芝士白菌手製寬條面配素肉Artichoke : 香甜素肉醬意粉加超級多芝士。手製寬條面好煙靭，好香麥味，超級好包裹D醬。裏面超多餡，有唔同種類既菇同Artichoke，因爲有素肉，所以完全唔似食緊全素意粉！
傳統意大利朱古力及榛子雪糕伴白朱古力薄脆及野莓：超級精緻既雪糕，朱古力榛子雪糕外面包裹住一層朱古力粉，超級濃朱古力味。下面白朱古力薄脆甜甜脆脆好特別！
Happy (Mocktail)：使用荔枝、青瓜、西柚和tonic water而製成既mocktail，非常清新，而且好香水果味，青瓜味唔濃。
【Lost Stars Livehouse Bar & Eatery】本身係有Live Band聼既餐廳，但疫情期間取消左Live演出。
2020年10月28日星期三
【搭配。飾品】簡約俐落北歐飾品--Marc Mirren
作爲一個比較男孩子氣既女生，平時好少戴飾品。一來覺得太多野阻住做野同太girly。但最近發現黎自瑞典斯德哥爾摩既首飾品牌【Marc Mirren】，主打簡約俐落又精緻既日常可戴飾品。適合都市事業型女性，唔會過於誇張但又有品味。【Marc Mirren】有唔同系列，總有一款時候唔同style既女生。全部飾品都係使用18K、14K或鍍銠物料製作。
使用產品：
Pärlan 極光耳環
HALO 戒指
－ 現正進行優惠 －
🌟 獨家85折優惠碼：「viola15」
🌟 買二送一，可同時與優惠碼使用
🌟 免運費 ＆ 30天免費退換 （包括香港、澳門、馬來西亞、新加坡）
#MarcMirren #DetailsByMM #MM瑞典首飾 #簡約飾品 #Pärlan #極光系列 #瑞典飾品
2020年10月26日星期一
【尖沙咀。美食】崇尚天然韓國傳統「寺刹飲食」– 土生花
「一花一世界，一木一浮生，一草一天堂，一葉一如來，一砂一極樂，一方一淨土，一笑一塵緣，一念一清淨。」
佛教認爲世界上所有事物，人和動物等都屬於泥土和花草，而花草就等於全世界。就如我們都應該歸根泥土和花草。正如新派韓式素食料理餐廳【土生花】的理念，依據韓國傳統「寺刹飲食」、恪守佛教原則哲學改良。【土生花】為提倡素食和健康飲食文化，使用天然、有機和純植物性食材製作韓式素菜。
這次我們就點了餐廳推薦的6 Course Dinner Set， Dinner Set是以季節性食材製作，就是每個季節的菜色都會不一樣。因爲現在是秋天，所以大多都是蘑菇作爲主要食材。
餐前小點：炆煮得非常軟非常入味的花菇，加了韓國醬油、麻油調味，令香菇腥味不重、卻提升了香味！
紫蘇籽芋頭湯配醃菜包飯：紫蘇籽芋頭湯會有沙沙的口感，但是味道非常容易入口，而且作爲6 course的第一道菜，味道濃淡剛好！裏面的食材也有很多包括燕麥脆、雪耳和木耳。醃菜包飯外面包裹著梅子紫蘇葉，而且飯也有調味，微酸非常開胃！
0
雜錦菇菌凍批：由上湯和雜錦菇菌碎凍成果凍狀，單吃味道偏淡。但是搭配旁邊不同醬料，味道適中，食用感受也會改變。包括芝麻醬料、韓式甜辣醬和香草醬。
白蘿蔔雜菜卷：非常薄的白蘿蔔片包裹香菇和泡菜餡，上湯不會太鹹，但足夠入味！泡菜不辣而且和香菇很match，非常暖身！
甜辣酥炸菇菌：由不同種類的菇菌酥炸，搭配經典韓式甜辣醬翻炒，旁邊還伴有其他蔬菜。這個菜算是6道裏面偏濃味，因爲菇菌肉質較厚，有點像吃韓式炸鷄的感覺。店員表示當天做得比較辣，不過是可以接受的辣度。
韓式錦繡炒飯：第5道的炒飯還包含了大醬湯和腌瓜。腌瓜微酸、大醬湯有一點偏鹹，不過裏面的青菜中和了鹹味。錦繡炒飯有泡菜、蔬菜丁、香菇，微辣，搭配麻油海苔，香味更濃郁！
紅棗玉桂糖水煮香梨：擺盤好特別，就算香梨用糖水煮過也不會太甜，保留香梨天然清甜！紅棗和藍莓增加不同口感和味道，而且旁邊的柚子果醬非常清香！
韓國花茶及精緻甜點：這期的韓國花茶是紅菜頭番茄茶，本來覺得用作做鹹食的食材做成茶會很奇怪，但非常特別，但味道偏酸！精緻甜點是果凍和不含蛋奶的brownie。果凍清甜，brownie可可味道非常濃郁，上面的cream是純植物性的！
【土生花】除了注重食材、烹調、服務和食用過程之外，室内裝飾設計上都花了很多心思。主要以大自然的園林木質大自然風，搭配傳統韓式家具。讓人賞心悅目！服務也是非常好而且非常貼心！
地址：尖沙咀梳士巴利道18號Victoria Dockside K11 Musea7樓704號舖
2020年10月16日星期五
【尖沙咀。美食】鬧市中的綠洲 -- Oasis Bar & Grill
記得對上一次去【Oasis Bar & Grill】禁岩係第三波疫情、禁晚市堂食前最後一日去。森林風再加高質又特別既食物真係一試難忘，所以最近就再去一次！今次坐既位置係另外一個區域，鳥籠花園風，燈光比較明亮。而且發現佢地轉左新menu，多左好多新菜色。
西班牙燒豬腩伴烤西瓜三文治：非常非常特別既鹹食西瓜料理，加熱后西瓜變得酸酸甜甜，而且質地變得有彈性！口感唔似西瓜而係似喂飽湯汁既蔬菜，所以同肉一齊食都唔會突兀！反而可以減低豬腩既肥膩感，而底下既熱情果醬汁加左唔少分，可以帶出鮮味！
黑松露薯條：上次試過佢地既薯條quality非常不錯！所以今次再戰一次，但就叫左唔同味！食落去形狀、口感、質地都唔似冷藏、比較似新鮮薯仔整既薯條。非常新鮮熱辣，黑松露醬分量都好多，黑松露味道好濃！
哥頓布鷄胸卷拌火箭菜、甜椒、黑松露忌廉汁：鷄胸卷入面包左火腿同芝士仲有少少香草醬。外面炸得鬆脆但唔油，裏面鷄胸肉非常juicy！鹹淡適中，搭配黑松露忌廉汁個味又改變左，好特別！不過有D美中不足係火箭菜既鹽加太多，有D鹹！
西班牙油炸鬼配朱古力醬及雲尼拿雪糕：新鮮炸起既churros，非常香脆，而且cinnamon sugar既比例岩岩好！微苦朱古力醬又好match！用呢個甜品結尾真心唔錯！
Eden Garden: Eden Garden由Seedlip Grove 24 非酒精base、接骨木花糖漿、柑橘類、薄荷同梳打水調配。因爲base係柑橘類再另外加其他柑橘類所以味道偏酸，而且有新鮮薄荷，味道非常清新！如果怕mocktail偏甜，可以試一下呢款！
地址：尖沙咀諾士佛臺1號8樓
2020年10月6日星期二
【美容】無痛快速去疣新體驗-- Glow Plus Medic Skin Centre
之前係美國生活，多數都去外面洗衣店洗衫！但可能唔乾净就感染左疣係塊面。雖然話唔會有D咩症狀，但會影響外觀。之前脫過一次，但清唔曬都有機會再復發。所以最近去左Glow Plus Medic Skin Centre做去疣。Glow+同一般普通美容院唔同，係有醫生駐場既醫學美容皮膚診所，所以都比較放心！地方雖然唔大，但好乾净明亮。
一去到，會先同你用Visia做皮膚分析，再決定你需要或適合做D咩，因爲去疣比起其他皮膚問題比較急切，所以就先做去疣。順帶一提, 呢部Visia是會根據同年紀的data base去比較, 一次過睇到皮膚8大問題、面層和底層皮膚問題。據廠方資料, data base是來自P&G大公司, 夠哂代表性。
之後就會入房洗面、圈起需要去疣既地方、局部敷麻醉藥、之後就用CO2 laser去疣。過程基本上唔痛，不過皮膚比較薄既地方會有少少感覺、過程超快！之後會搽返消炎藥同埋會提醒一下注意事項、醫生會提供消炎藥返屋企搽。比起之前用電燒快、安全同無痛！
麻醉藥退左之後，皮膚會有D似曬傷一樣，少少刺痛。第一日睇唔太出有傷口，只係少少紅同突出、之後第二日就會見到有D結痂。洗面有少少刺痛、但第三日就唔會啦。基本上如果範圍唔大7-10日會完全好返！
除左去疣，仲有好多CO2 laser療程，如果有興趣可以直接揾Glow Plus Medic Skin Centre了解下！
Glow Plus Medic Skin Centre
地址: 銅鑼灣耀華街25號丹納中心14樓A室
電話: 2866 1251
訂閱：
文章 (Atom)