Viola's Blog : 2019

2019年12月27日星期五

【美容】解決煩人痘痘、痘疤、色素PicoSure 蜂巢皮秒激光– LM SKINCENTRE

有時候睇我D相，感覺我皮膚都幾好，但全靠化妝同美顔。其實我因爲壓力大，工作環境空氣比較唔好，所以成日要戴口罩，所以D痘痘消完又起，同之前唔小心受傷D疤點都消唔去。我自己都好在意毛孔、痘痘同痘疤問題，所以就去左【LM SKINCENTRE】去做PicoSure 蜂巢皮秒激光。

PicoSure蜂巢皮秒激光係全球首款同唯一FDA認可755皮秒激光，可以去除紋身色斑色素、治療暗瘡凹凸洞、毛孔同細紋。蜂巢皮秒激光技術比較溫和同埋可以精準袪除色素而唔傷害周邊既肌膚，減低風險，不適及休息期。PicoSure蜂巢皮秒仲用左創新技術能係萬億份之一秒內產生強烈既光熱衝擊，可保護皮膚免受高溫傷害。

【LM SKINCENTRE】地點非常方便，而且好乾净舒服。療程前, 醫生都非常仔細詢問我本身皮膚狀況，同埋會影相了解我皮膚真實問題同狀況，醫生會再分析需要用咩頭同能量去打PicoSure。非常細心專業！同我自己預期差不多，就係毛孔、暗瘡、痘疤、同埋texture問題比較嚴重（姐係全部禁滯），今次療程最主要針對毛孔、暗瘡同痘疤。

PicoSure一般程序只需10-20分鐘。治療師同我講治療期間會只係好似被橡筋彈到禁，但都會敷返麻醉藥黎緩減任何可能既不適，大概要敷20分鐘左右。

敷完麻醉藥之後就會開始做PicoSure，今次療程會先用到平頭，再用蜂巢頭。平頭基本上無感覺、但蜂巢頭會有少少吉吉地。過程真係好快，完左之後會有少少慶同熱，好紅同輕微痛。但過左大概一個鐘之後，紅基本都消曬、又無咩痛感。基本上第二日，全部不適都無曬啦。而且痘疤同痘痘都消得好明顯，大概第3/4日已經睇到明顯減少。

（無使用美顔/磨皮功能）

LM SKINCENTRE
香港灣仔告士打道80號16樓
Tel: (852) 3108-9779
Whatsapp: (852) 5484-4408
網址：https://lmskincentre.com

2019年12月24日星期二

【銅鑼灣。美食】除左甜品，鹹食都好好食–HeSheEat

好耐之前都去過HeSheEat食過甜品，覺得佢D甜品好食又特別，所以最近就去試埋佢D鹹食。鹹食我地就叫左一個dinner combo同All Day
Brunch，同兩個甜品。

Dinner Combo：野菌溫泉蛋黑松露燴意大利飯 +$30 配是日餐湯
+$25 配特飲

野菌溫泉蛋黑松露燴意大利飯：非常香濃黑松露味道，好creamy同埋好夠芝士味！好飽肚、但略嫌溫泉蛋太過熟，已經唔流心！

是日餐湯：南瓜湯加兩片蒜蓉包，南瓜湯非常濃南瓜味、仲有少少南瓜蓉係入面，真材實料！蒜蓉包唔會好油，而且好香蒜蓉味！

特飲：芝士奶蓋芒果紅茶，茶底唔甜，加上甜甜既芝士奶蓋剛剛好。上面仲有芒果雪葩，好特別！

All Day Brunch：麵包同蛋可以選擇。麵包：牛角包/ 蛋：炒蛋

一個分量都好多，brunch或者早餐想食既野全部都有，包括薯仔沙律、炒蛋、parma ham、菠菜、薯餅、腸仔、番茄、烟肉同牛角包完全係滿足曬食brunch既願望！薯仔沙律加左D青瓜粒，非常爽口！炒蛋好滑既半熟蛋，但鹹左少少！菠菜輕輕炒過，但仲好鮮嫩，不過都係偏鹹、但parma ham、腸仔同烟肉反而唔算太鹹。番茄外面烘乾煎過、味道濃郁！牛角包香脆、牛油味濃！

甜品：宇治金時心太軟配豆腐雪糕、雲尼拿士多啤梨奶凍

宇治金時心太軟配豆腐雪糕：宇治金時心太軟非常流心，内裏抹茶醬唔會太甜但好香！豆腐雪糕好濃豆腐味，岩曬我呢個豆腐控！不過伴碟既蕨餅就麻麻地啦！

雲尼拿士多啤梨奶凍：奶凍係HeSheEat最出名既甜品之一，幾年前都食過啦。今次去再食一次回味一下！士多啤梨雪糕唔會太甜、奶凍超香奶味、最鍾意係入面既蛋白酥！所有都非常well balanced！

下次去HeSheEat除左食甜品外，可以試下D鹹食，都好好食架！

地址：銅鑼灣記利佐治街2-10號銅鑼灣地帶2樓201號舖

2019年12月13日星期五

【美容】還我V面Exilis Ultra 360ﾟ– Ting House

由細到大都係小胖妹既我都有包包面同雙下巴問題。隨住年齡增長、工作壓力、環境、生活習慣，皮膚加速老化，尤其20歲后膠原每年都會流失，肌底缺乏承托力，輪廓開始會下垂，雙下巴問題會越來越嚴重。25歲后我自己都開始注重抗老化同保養，所以就去左Ting House做拉提瘦面緊致療程– Exilis Ultra 360ﾟ。

Exilis Ultra 360ﾟ第4代去紋槍雖然最主要係做去眼袋，但面、輪廓、下巴、頸紋都可以，而且好有效果！Exilis Ultra 360ﾟ係全球唯一FDA認證超聲波融合單極射頻，360ﾟ環迥立體激活增生膠原蛋白、彈力蛋白；可以幫助表皮層增厚、加強鎖水能力，提升防禦力，抵抗外來侵害；即時明顯效果，而且持續緊緻；比其他熱能機器更安全，實時自動監控輸出，測量皮膚溫度，自動調節功能。