【油麻地。美食】超chill懷舊歐美工業風樓上cafe — 吃吧

返工、辛苦完5日、最重要係同朋友揾個地方chill下、咩都唔好理，只需要開心禁【吃吧】！位於旺角既樓上café【吃吧】，主打懷舊歐美工業風，有別于一般樓上café、【吃吧】位置非常鬆動寬闊，唔會有壓迫感，可以輕鬆禁同朋友聊天食飯！除左自家製果茶、soda、milkshake外，仲有啤酒同cider。今次就叫左蟹肉牛油果沙律配墨西哥粟米片、西班牙海鮮飯、德國咸豬手同兩款cider。


蟹肉牛油果沙律配墨西哥粟米片：蟹肉其實只係蟹柳，雖然牛油果分量都唔算太多，但D沙律菜好新鮮！調味都唔會太濃，但搭配墨西哥粟米片又岩岩好！好fresh好開胃！

西班牙海鮮飯：難得用番茄醬煮既飯，我唔會覺得太酸！飯分量雖然唔算太多，但海鮮分量都好多，有蝦、帶子、青口、魚塊等！D飯又煮得夠霖，但又唔會太爛！

德國咸豬手：視覺同味覺既享受，首先會係你面前原隻點火，之后再幫你切開。豬手外皮超脆，内裏D肉好霖！而且分量都算好多！搭配既香腸非常juicy而且唔鹹，最怕D超鹹香腸！而且薯蓉既調味都好好食！非常推薦！
Thistly cross cider：威士忌手工蘋果啤酒，接骨木花手工蘋果啤酒

威士忌手工蘋果啤酒：非常香濃蘋果味、威士忌味道唔會太重，偏甜，啤酒/酒精類新手非常適合，6.7%酒精含量

接骨木花手工蘋果啤酒：非常香濃蘋果味，但比威士忌手工蘋果啤酒無禁甜，多少少花香味、又有少少果酸味！啤酒/酒精類新手非常適合，4%酒精含量 ✨最近開左大眾點評同TrapAdvisor、希望大家可以關注下

小紅書/ 大眾點評：維奧拉x艾
OpenRice/ TrapAdvisor：wingyinviola

地址：旺角彌敦道566-568號僑建大廈2樓2室

【尖沙咀。美食】 亞洲風少女心酒吧 -- Gulu Gulu

作為一個成日收工就立刻返屋企、最多同朋友食下飯既宅女，好少去酒吧。因爲怕人多怕吵、好少飲酒同公司樓下D酒吧衛生情況都比較差！最近上網發現左公司附近有一間好有特色既樓上酒吧【Gulu Gulu】，主打花花裝飾、比一般酒吧多份少女心！而且比較明亮同睇上黎都好乾净！

一入到門口已經見到個酒櫃非常特別同好靚，凳係酒吧好少用既絲絨質地！而且客人大部分都係女性。我地就叫左兩杯signature cocktail，一個小食同一個主菜。

Signature Cocktail： Lost in Kyoto，Sakura

Lost in Kyoto：使用日本京都Gin混合抹茶酒，再加上糖漿同cream，完全就係大人版即抹茶latte。酒味偏濃、剛入口時抹茶味道香濃，之後會感受到Gin既酒苦甘味。

Sakura：使用清酒混合櫻花酒，加上玫瑰糖漿、檸檬汁同梳打水，花香味重、味道偏甜，無咩酒味。適合女仔同酒類新手。

小食—吉列炸蝦：蝦炸得非常香脆，他他醬好搭，有沙律伴碟，可以解消油膩感！

主菜—英式啤酒脆漿炸魚配薯條：啤酒脆漿可以令外層更加酥脆、魚肉炸得非常脆，裏面仲juicy軟綿綿非常熱辣辣！粗薯條都好新鮮！
另外會收取花生小食費，不過價錢唔會太貴，而且任加！

地址：尖沙咀諾士佛臺10號騰龍閣4樓