【美食】方便即食海鮮包--漁嘩啦

最近疫情關係多左時間係屋企煮野食，但有時候好懶，唔想由0開始煮，買即食包返黎煮就最岩！最近買左【漁嘩啦】既即食海鮮/魚塊包。今次我就試左泰正宗海鮮冬陰功同黑椒味無骨鮮滑魚塊，$130左右就已經夠曬2-3人晚餐！

海鮮冬陰功：

如果根據包裝后步驟，大概5分鐘就食得，但想食得精緻少少可以參考一下我自己改良步驟

要自備番茄/車厘茄，青瓜、青檸伴碟用

先係鍋中放入適量油，炒香炒軟番茄/車厘茄

放入醬料包稍微炒香，之後先根據包裝步驟烹煮，味道會更濃！

建議蝦最後先放，就唔會過熟！

冬陰功湯底偏辣夠酸！但容易入口。

鯛魚塊好多，唔腥好入味；蝦新甜彈牙！粉絲爽口，而且好吸湯！

推薦俾鍾意酸辣既人！

黑椒味無骨鮮滑魚塊：

已經切好而且預先腌左，唔需要清洗同菜刀就簡單完成一道菜

可以單獨煎炒又得，搭配蔬菜炒又得。今次就搭配左椰菜花。

魚塊非常入味，蔬菜只要簡單鹽調味就足夠。而且夠滑，完全唔腥！

如果唔想有預先腌左既魚塊，仲有原味魚塊選擇！

由即日起至9月30日，係漁嘩啦官網﹕https://www.yuwalahk.com/ 購買，結賬時輸入優惠碼EUFA01，即可享全單扣減$50。買滿HK$450仲免費送貨﹗